طريقة البطاطس المحشيه :
المقادير :
بطاطس + بصل مقطع صغار + فلفل اخضر مقطع صغار + فطر + كريمة خفق + جبن مازرلا
نقشر البطاطس ونققصها من النص ونحفرها نفس مانحفرها نخليها نفس الفناجيل بعدها نقليها
ناخذ البطاطس الي طلعناه ونقطعها مربعات
نحمس البصل مع ماجي ونضيف البهارات وفلفل اسود ونظيف فلفل الأخضر والفطر ونحركهم بعدها نظيف البطاطس المكعبات ونضيف اشوية ماي عشان ينضج البطاطس
بعدها نبدأ نحشي البطاطس المقلي بالحشوه
ونصفها في البايركس وحط عليها جبن مازرلا
باقي الحشوه نحطه في وسط البايركس
نجيب كريمة الخفق ونحميها على النار مع نص مكعبة ماجي واشوية فلفل اسود إلى ان تغلي
ونبدها نرش اشوية من الكريمه على البطاطس ونوزع الكريمه على باقي الصينية
ندخلها الفرن إلى ان يتحمر جبن المازرلا
نحرص ان كريمة الخفق ماتنشف
وبالعافيه ياربي :)
طريقة مكرونة الشبث
المقادير :
مكرونة لولبيه _ صدور دجاج _ فلفل اخضر مقطع شرائح طويله + مكعبات صغيره _ بصل مقطع شرائح + بصل مقطع مكعبات صغيره _مقدار بع صرة شبث _ بهارات _ فلفل حار مطحون _ دبس رمان _ صويا صوص _ فطر _ ماجي _ قشطة قيمر _ حليب سائل _ جبن سائل _ شرائح جبن سليس
الطريقة :
(1)
نحمس البصل المكعبات مع الماجي الى ان يذوب الماجي نضيف الدجاج ونحركه حتى يتغير لونه ونضيف البهارات + الفلفل الاسود + دبس رمان + صويا صوص نحركه ونخليه لحد ماينضج الدجاج ونضيف الفلفل الاخضر الصغار + الشبث
(2)
نأخذ البصل المقطع شراىح ونحمسه مع زيت زيتون ونص مكعبة ماجي ونضيف فلفل اسود + فطر + فلفل اخضر نحركه لحد مايقرب الفلفل لنضج
(3)
ناخذ علبة القشطه + ملعقتين جبن سائل + ملعقة مايونيز+ بيالة حليب سائل + ربع مكعبة ماجي مذوبه في بيالة ماي
ونرحركهم بالخلاط
(5)
نضع المكرونا بعد السلق في البايركس
ثم نظيف الدجاج بعدها الفطر
ونضع الصوص ونصف شرائح جبن سلايس
وندخلها الفرن نحاول ان ماتنشف مجرد تحمير بسيط
وبالعافيه :)
يستحق الكثير ولكن مجرد محاوله بأسمه
أدعولي ربي يوفقني
كلها اسبوعين ويخلص السمستر :(
وأرجع لكم بعد غياب شهرين :$
يمكن كثير مافقدني
بس انا حيييييل فقدت صفحاتكم
،
،
. . ’
